Ministru Komérsiu no Indústria hala’o Enkontru Bilateral ofisial
ho Sekretariu Departamentu Komérsiu no Indústria Filipina.
Laos PDR, 22 setembru 2024
Sua Exselênsia Ministru Komérsiu no Indústria, Sr. Nino Pereira halo enkontru bilateral ofisial ho Sekretariu Departamentu Komérsiu no Indústria Filipina, Sr. Allan B. Gepty.Ministru Komérsiu no Indústria Timor-Leste, Sr. Nino Pereira halo enkontru bilateral ofisial ho Sekretariu Departamentu Komersiu no Industria Filipina, Sr. Allan B. Gepty, Objetivu husi enkontru ne’e atu troka hanoin ba potensial kooperasaun ekonomiku no esplora oinsa Filipina bele fo apoiu ba Timor-Leste iha prosesu integrasaun ekonomia rejional hanesan ASEAN.
Iha enkontru ne’e, Sr. Allan B. Gepty reinforsa katak Filipina fo apoiu tomak ba Timor-Leste ninian jornada ba adezaun ASEAN nomos ba poz-adezaun ba Organizasaun Mundial Komersiu (OMK).
Filipina komprimitidu hodi fo apoiu ba Timor-Leste hodi reforsa liu-tan kapasidade tekniku no institusional hodi kumpri regras no regulamentus ne’ebe hatur ona iha enkuadramentu ASEAN. Area potensial ba kooperasaun ne’ebe deskuti iha enkontru ne’e inklui apoiu ba akordu ekonomia prioridade ASEAN nian, oferta asesu merkadu no komersiu eletroniku. Atu atinji protidaun tekniku hodi sai membru plenu ba ASEAN, Filipina mos rekomenda ba Ministeriu Komersiu no Industria Timor-Leste hodi tau importansia ba estabelesementu ekipa negosiasaun komersiu no enkundramentu legal komersiu ne’ebe forte iha Ministeriu rasik.
Midia _MCI
Favor hakerek Ita-Boot nia hanoin no ajuda ami hadi’ak ami-nia konteúdu.