MKI-UNDP Fo Formasaun ba Micro Pequenas e Medias Empresas, Nain 42

Dili, 23 Setembru 2024

Sua Eselensia, Vise Ministru Komersiu no Industria, Sr. Augusto Júnior Trindade halao abertura formasaun ba benefisiariu Kompetisaun Negosiu Inovativu (KNI) ne’ebe organiza husi Diresaun Nasional Apoio Dezenvolvimento Micro Pequena e Medias Empresas Industriais (DN-ADMPMEI) ho UNDP iha salaun ADMPMEI Mataduru.

 

Iha sesaun abertura ne’e , Sua Eselensia, Vise Ministru Komersiu no Industria, Sr. Augusto Júnior Trindade hatete formasaun ne’e realiza tamba servisu hamutuk MKI ho UNDP hodi fasilita joven inovativu sira hodi hasae sira nia konesimentu atu bele prepara sira nia planu negosiu hodi bele halo sira nia negosiu nune’e bele susesu iha futuru.

“Servisu barak UNDP halo apoiu barak ona iha teritoriu laran barak los, maibe ida ne’ebe foku ba ekonomia diak tebes mak KNI ne’e, liu husi programa YEES, tamba ita prepara duni ita nia emprejariu sira hahu husi oinsa hanorin sira konaba kria proposal ida, oinsa sira hatur lolos sira nia pensamentu bisnis ne’ebe sira atu halo.” Hateten VMKI.

VMKI mos informa formasaun ne’e eleva sira nia konesimentu negosiu nian hodi bele sai susesu iha futuru.

“Formasaun sira ne’e depois sira hetan akompanamentu didiak, oinsa halo jestaun osan sai no tama, i ne’e hanesan prepara baze fundamental ida ba programa ida hodi fo susesu ba sira iha futuru”. Informa VMKI.

Iha fatin hanesan Manajer Programa UNDP, hato’o agradese ba MKI, nafatin iha vontade fasilita foinsae sira ho formasaun hodi hasae sira nia konesimentu ba planu negosiu.

 

“Agradese ba liderasa MKI nia kooperasaun bele sai parseiru diak ho UNDP YEES Project hodi implementa, KNI hodi suporta ita nia joven sira, oinsa mak bele diversifika ekonomia iha rai laran”. Hateten Manager Programa UNDP

Manajer Programa ne’e mos husu formandu sira labele tauk husu formador durante iha formasaun nia laran, tamba husu pergunta mak bele halo ita komprende diak liu no barak liu.

 

Formadu hamutuk nain 42 ne’ebe liu ona selesaun ba KNI, formador mai husi IADE, UNDP no formasaun ne’e sei halao durante loron lima iha salaun ADMPMEI Mataduru.

Midia_MKI

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.