MKI Ho Kompaña Konsultor Armajen Tranzitoriu

Fronteira Halo Konfirmasaun Layout Iha Terenu

Dili, 27 Setembru 2024

Sua eselensia , Vise Ministru Komersiu no Industria, Sr. Augusto Junior Trindade, hamutuk ho kompaña Konsultoriu Spatium Artem no Parrot Mali, akompaña husi Diretur Jeral Komersiu, Sr. Nelito Lima de Araujo no Diretur Nasional Komersiu Externu Sr. Mariu Abrao ba vizita fatin konstrusaun armajen tranzitoriu Fronteira Mota-ain.

 

Observasaun fatin armajen tranzitoriu ne’e atu introdus koresaun ne’ebe kompaña aprezenta ona layout rezultadu estudu viablildade iha loron kinta 26/09 iha salaun gabinete ministru, Mandarin.

Sua eselensia, Vise Ministru MKI, Sr. Augusto Junior Trindade, hatete vizita ne’e mai ho kompaña Konsultoriu sira hodi halo koresaun ba layout ne’ebe sira aprezenta tamba iha item balu presiza aumenta.

“Ohin mai iha fatin ida ne’e tamba horseik kompaña halo hela aprezentasaun relatoriu estudu viabilidade ba armajen tranzitu, i ohin mai haree iha koreksaun oituan konaba layout ne’ebe sira aprezenta, entaun ohin mai haree hamutuk sira iha terenu ho ekipa tekniku sira, oinsa mudansa sira ne’ebe ita presiza no nesesariu, nune’e prezia aselera prosesu ne’e”, hatete VMKI.

 

Vise Ministru mos fundamenta, kolaborasaun diak entre diretur jeral, diretur nasional ho kompana rasik, sira koalai ba malu kona ba ohin mai haree no kompaña sei hadia layout hafoin sira bele aprejenta dala ida tan ho lineas ministeriais sira relevante.

“Ohin halo koresaun oituan iha layout ne’e sira mos konkorda molok sira aprejenta rezeltadu final, iha planu aprezentasaun tuir mai sei partisipa mos lineas ministeriais sira hotu, sei partisipa hodi fo hanoin ruma  konaba asuntu ne’e”, hatete VMKI.

Tuir rezultadu estudu viabilidade ne’ebe kompaña aprezenta katak armajen trnazitoriu ne’e okupa rai hektares 11 no kompleta ona fatin ba prosesamentu repacking, fatin ne’e inklui ona market ida ba ema bele kompra produtu ruma atu sai ba indonesia ka atu tama mai Timor-Leste.

Mídia_MKI

 

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.