SEOM Leader Timor-Leste Partisipa Reuniaun Dahuluk SEOM 1/56 Iha Malaysia
Malaysia, 24 Janeiru 2025
Eselensia Vise Ministru Komérsiu no Indústria Sr. Augusto Júnior Trindade ho delegasaun partisipa sorumutuk Ofisial Ekonomiku Senior ASEAN (SEOM 1/56) durante loron 20-24 Janeiru 2025 iha Hotel Sheraton Malaysia Sarawak.
Vise Ministru hanesan atual líder Senior Economic Official Meeting (SEOM) Timor-Leste mos halo aprezentasaun Timor-Leste nia progresu adezaun ba ASEAN durante sorumutuk.
Iha sorumutuk ne'e nasaun membru permanente ASEAN iha ona komitmentu Timor-Leste sai hanesan topiku diskusaun ba sira, durante sorumutuk SEOM 1/56 iha Kuching Malaysia.
Iha diskusaun kona-ba adezaun Timor-Leste nian sei la'o ba oin husi nivel ministeriál to'o Simeira ASEAN nian, hodi hateten nia signifikadu hanesan ajenda prinsipál ida ba ASEAN iha tinan ida-ne'e.
Membru Permanente ASEAN iha ona kompromisu koletivu ASEAN nian atu ajuda Timor-Leste aliña ho padraun no objetivu bloku nian, hodi asegura prosesu integrasaun ne'ebé diak.
Timor-Leste nia participasaun sai hanesan tema diskusaun ne'ebé la'o hela, ho estadu membru barak ne'ebé apoia inkluzaun hodi hametin unidade rejionál.
Entretantu durante sorumutuk ne'e partisipa masimu husi membru permanente ASEAN mak hanesan, Malaysia, Singapura, Indonésia, Tailândia, Filipina, Myanmar, Vietnam, Kambodia, Brunei Darussalam no Laos.
Media_MCI
Favor hakerek Ita-Boot nia hanoin no ajuda ami hadi’ak ami-nia konteúdu.