Aprezentasaun ba Projeto “Technology Soil Improvement”

Dili, 28 de Janeiro de 2025

Ministru Komérsiu no Indústria Sr. Nino Pereira hala’o reuniaun ho empreza Timor Rock Eco-Solutions Unipessoal LDA, ne’ebe halo introdusaun no aprezentasaun kona-ba “ technology soil improvement" ba konstrusaun estrada no diversikasaun ekonomia, iha sala reuniaun Gabinete MCI, Fomento Dili.

Sorumutu ne’e sentradu iha diversikasaun ekonomia, diversifikasaun indústria, diversifikasaun produtu nomos halo promosaun ba investimentu iha rai laran aliña ba politika XI governu konstitusional nian.

”Apresia tebes ho apresentasaun ida ne’e diak para ita bele hare ona alternativa sira seluk oinsa atu desenvolve ita nia rai ida ne’e ho politika ita temi dehan diversikasaun ekonomia,

diversifikasaun ita nia indústria, diversifikasaun ita nia produtu,inklui mos halo promosaun investimentu iha rai laran ligadu ho empregu, buat sira ne’e importante tebes hatur ona iha ita nia planu estratéjiku desenvolvimentu nasional 11 e 30 agora ita formula tan politika dezenvolvimentu integradu ida iha area indústria nian, atraves husi ita ninia politika nasional ba dezenvolvimentu indústrial ne’ebe maka integradu ho aspetu Ambiental no sustentabilidade”. Haktuir Ministro MCI(28/01/25)

Partisipa iha sorumutu ne’e,ekipa Timor Rock Eco-Solutions Unipessoal LDA,  Diretúr DNDI-MCI, Inspetor-MCI no Asesor sira.

 

 

Media_MCI

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.