Malázia Kontinua fó Apoiu bá Dezenvolvimentu TL

Dili. Sexta(31/01/2025)

Sua exelénsia Ministru Komérsiu no Indústria Sr. Nino Pereira hamutuk ho membru governu balun akompaña Primeiru-Ministru (PM), Kay Rala Xanana Gusmão simu vizita Ministru Investimentu, Komérsiu no Indústria Malázia, Datuk Seri Utama Tengku Zafrul Abdul Aziz ho ekipa iha Palásiu Governu, Dili. Sexta(31/01/2025)

Prezensa Datuk Seri Utama Tengku Zafrul Abdul Aziz iha Palásiu Governu sai sasin bá serimónia asinatura Memorandum of Understanding (MoU) entre kompañia Estatál Timor Gap, E.P ho kompañia Weststar Malázia iha invetimentu projetu Tasi-mane.

Primeiru-Ministru hateten malázia hakarak koopera ho Timor-Leste liu liu hakarak dudu prosesu dezenvolvimentu iha Timor-Leste.

Iha fatin hanesan Ministru Investimentu, Komérsiu no Indústria Malázia, espresa mos sentimentu kontente tanba ho nia ekipa bele hasoru-malu ho Primeiru-Ministru, Kay Rala Xanana Gusmão ho Ministru sira Timor-Leste nian,  no nia mos kompromete sei kontinua fó apoiu bá dezenvolvimentu iha Timor-Leste.

 

 

 

 

Media_MCI

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.