Ministru MCI Visita Grupu Feto Kreativu sira iha Munisipiu Manatuto

Manatuto Ilimanu, 6 Fevereiru 2025

Ministru Komérsiu no Indústria Sr. Nino Pereira, hasoru grupu homan, inan-feton sira iha suku Ilimanu, Laclo, Manatuto ne’ebe halo produsaun ba produtu homan tradisional hanesan biti, kohe, lafatik, bote, pasta, sapeo no kakehe ne'ebé halo hosi akadiru tahan. Grupo hirak ne’e kompostu husi grupo ha’at (4) mai ho valor artístiku no ekonómiku.

Inan-feton sira durante ne'e moris hosi aktividade homan ho matenek lokal ne'ebé sira iha sai nu'udar heransa ida hosi jerasaun ba jerasaun.

“Ida ne’e faz parte oinsa maka sira bele enkoraja nafatin hodi sustenta sira nia atividade inklui mos oinsa atu expanda sira nia negósiu, ne’ ebe ita kontinua halo monitorizasaun, hare difikuldade difikuldade ne'ebé sira enfrenta, importate sira nia atividade kontinua lao” Haktuir Ministru MCI, Ilmanu, (06/02.2025).

Ministro Nino subliña ida nee faz parte husi atividade dezenvolvimentu ekonomiku ne’ebe lao hela iha komunidade sira nia le’et, tanba presija partisipasaun husi komponete hotu liuliu komunidade sira.

 

 

Media_MCI

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.