Investór Xinés Aproxima Governu Atu Investe Iha Timor-Leste

Dili, 24 Fevereiru 2025

Iha inísiu semana ne'e ekipa hosi kompañia State Stock Industrial Holding Group (Zhuhai) Co, Ldt hala’o reuniaun ho Sua exelénsia Ministru Komérsiu no Indústria Sr. Nino Pereira iha ninia gabinete, hodi aprezenta planu investimentu ne’ebé empreza ida-ne'e hakarak realiza iha Timor-Leste.

Iha sorumutu ne’e koa’lia kona-ba investimentu industriál ba duty free island, shipbuilding, commodity, mining no seluk tan.

Sr. Ministru apresia ho programa investimentu ne’ebé hato’o husi empreza ida-ne'e, no husu atu halo kordenasaun ho Ministériu sira seluk hanesan Ministériu Planeamentu no Investimentu Estratéjiku, no mós Gabinete Vise-Primeiru-Ministru no Ministru Koordenadór Asuntus Ekonómikus.

Empreza ida-ne'e mós iha planu seluk atu halo tan ba oin maibé sei kontatu ho ministériu sira relevante atu fasilita investimentu ida-ne'e hodi bele realiza ho di'ak.

Partisipa iha enkontru ne’e Ásesor Prinsipal nomós ekipa hosi kompañia State Stock Industrial ho nia ekipa.

 

 

MEDIA_MCI

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.